Оспанов пен Бақытжанұлы АСВ 86 турнирі алдында салмақ өлшеді

Мәскеуде АСВ 86 турнирінің қатысушылары ресми салмақ өлшеу рәсімінен өтті. Оған Қазақстанның екі спортшысы қатысады.

Жартылай жеңіл салмақта өнер көрсететін Арман Оспанов (8-2) Акоп Степанянмен (25-10) жекпе-жек алдында 65,6 келі болды, ал оның қарсыласы – 66,3 кг.



Жартылай ауыр салмақта сынға түсетін Асылжан Бақытжанұлы (7-0) 92,4 келі болды. Ал оның қарсыласы Муслим Магомедов таразыда 93,3 келіні көрсетті. Бақытжанұлы бұл кездесуде жеңіске жетсе, чемпион Батраз Агнаевқа қарсы титулды жекпе-жек өткізуі керек.



Естеріңізге салсақ, АСВ 86 турнирі 5 мамырда өтеді. Қазақстандық спортшылардың кездесулері Астана уақытымен 21:00-ден кейін басталады.