Нурмагомедовтар отбасының досы Хабибтің әкесінің жағдайы туралы айтып берді
UFC чемпионы Хабиб Нурмагомедовтің әкесі әрі бапкері Абдулманап Нурмагомедовтың жағдайы әлі де ауыр, - деп хабарлайды sports.ru. Бұл туралы Нурмагомедовтар отбасының досы Рамазан Рабаданов айтып берді.
"Әлі де Мәскеудегі ауруханада жатыр. Өкпесінің 75 пайызы зақымданған, ол инслуьт алды. Оған шунтирование жасап, комаға кіргізді де, дәрігерлердің өздері комадан алып шықты.
Жағдайы ауыр, сөйлей алмайды. Емделіп шығатынына үміт артып отырмыз", - дейді Рабаданов.
Еске салайық, мұның алдында Хабиб Нурмагомедовтің әкесіне COVID-19 инфекциясын жұқтырды деген диагноз қойылғаны белгілі болған.