Мейвезерден жеңілген кикбоксшы МакГрегорге өз талаптарын қойды

Жапониялық кикбоксшы Тенсин Нацукава UFC-дің екі салмақтағы бұрынғы чемпионы ирландиялық Конор МакГрегордың жекпе-жекке шақыруын қабыл етті.

31 желтоқсан Сайтаме қаласында Rizin ұйымының турнирінде Нацукава бокс ережесі бойынша америкалық флойд Меейвезермен жұдырықтасқан болатын. Тамаша үшін өткізілген жекпе-жек үш раундқа есептелген еді, алайда, ол алғашқы раундта-ақ аяқталды. Мейвезер қарсыласын үш рет нокдаунға түсірді. 

Осыдан кейін МакГрегор жапониялыққа тамаша үшін осындай жекпе-жек, тек осы жолы ММА ережелері бойынша өткізуді ұсынды. Нацукава аралас жекпе-жектерде де жұдырықтасқан (4-0).

Жапониялық жекпе-жекті кикбоксинг ережелерімен өткізуге келісті. Нацукава Мейвезердің өзінен тәжірибелі ғана емес, дене бітімінің ірі болғандығымен ұтқанын айтып, мұнан ой түйген тәрізді. 

"Құрметті МакГрегор мырза. Есімімді жаттап қалғанызыға алғыс білдіремін. Менімен жұдырықтасу туралы ойлағаныңыз мен үшін абырой. Мүмкін рингте 58 келіге дейінгі салмақта кикбоксинг ережелері бойынша жақын уақытта кездесеміз", - деп жазыпты спортшы твиттер желісінде. 

Dear Mr. McGregor. @TheNotoriousMMA
Thank you very much for remembering my name. I’m honored that you would even consider fighting me.

58kg, kickboxing rules would probably get us in the ring sometime in the near future  pic.twitter.com/BTgVVnwXLA

— 那須川 天心 (@TeppenTenshin) 7 января 2019 г.

Айта кетейік, ресейлік Хабиб Нурмагомедовпен соңғы жекпе-жегінде МакГрегор 70,3 келі салмақта жұдырықтасқан. Мұның алдында, 2015 жылғы дейін ирландиялық 65,8 келіге дейінгі салмақта жекпе-жек өткізетін. 

МакГрегор 2017 жылы Мейвезермен де жұдырықтасып, техникалық нокаутпен жеңілгенін айта кетейік.