"Мен бірінші нөмірлі спортшымын". Гэтжи Нурмагомедовтен жеңілген жекпе-жегі жайлы пікір білдірді
Джастин Гэтжи. Сурет: "Спорт-Экспресс" ©
UFC 254 турнирінде ресейлік Хабиб Нурмагомедовтен жеңілген америкалық Джастин Гэтжи чемпион карьерасын аяқтағаннан кейін жеңіл салмақтың бірінші нөмірі екенін айтты.
"Бұл әлі соңы емес. Мен бұған дейін екі рет жеңіліп, қайта оралдым. Тіпті чемпиондық белбеуге таластым. 2018 жылы Дастин Порьеге жеңілгеннен кейін көпшілік мені сынып қалады деп ойлады. Бірақ мен өз-өзіме сенімді болдым. Енді Хабиб карьерасын аяқтаған соң, мен бұл салмақтың бірінші нөмірлі спортшысы атандым", - деді Гэтжи MMAJunkie басылымына берген сұқбатында.
Еске салайық, бұл кездесуде Хабиб Нурмагомедов америкалық Джастин Гэтжиді екінші раундта жеңді. Қазір ресейлік спортшының еншісінде 29 жеңіс бар. Ол мүлде жеңілмеген. Осы кездесуден кейін ресейлік спортшы карьерасын аяқтағаны туралы хабарлады.