МакГрегор UFC рекордсменімен жекпе-жекке дайындалу үшін бокс бапкерлерін жалдады

Екі салмақта UFC-дің бұрынғы чемпионы Конор МакГрегор октагонға оралар алдында бапкерлер командасына өзгерістер енгізді, - деп хабарлайды irish-boxing.com.

Дональд Серронемен 18 қаңтардағы жекпе-жек үшін ирландиялық файтер бас бапкері Джон Кавананың SBG залында ғана емес, Crumlin BC бокс залында да жаттыға бастаған. 

Қазір МакГрегор UFC 245 турнирі өтетін Лас-Вегаста жүр. Онымен бірге SBG бапкерлері Сергей Пикульский (күрес), Джон Кавана (бас бапкер), Оуэн Родди (соққы дағдылары) және Crumlin BC залынан бокс бапкерлері Фил Сатклиф, Бра Брэди пен катмен Энди О-Нилл бар.

МакГрегор октагонға 2018 жылы қазанда Нурмагомедовтен жеңілгелі шықпаған.

Ал Серроне былтыр Денверде өткен UFC Fight Night 139 турнирінде Майк Перриден басым болып, UFC аясында 21-ші жеңісіне жеткен. Бұл ол кезде промоушендегі жеңіс бойынша бірінші орын болатын.