МакГрегор Мейвезермен емес, Фергюссон мен Нурмагомедов арасындағы кездесудің жеңімпазымен кездеседі - дереккөз

Конор МакГрегор. Сурет: theringsideview.com

Жеңіл салмақтағы UFC чемпионы ирландиялық Конор Макгрегор (21-3) жекпе-жекке қайта оралуы туралы келісім-шарт жалғасуда. Бірақ оның қарсыласы кіші Флойд Мэйвэзер емес, 7-сәуір күні АҚШ жеріндегі Лас-Вегаста UFC 223 турнирінде Тони Фергюсон мен Хабиб Нурмагомедов арасындағы жекпе-жек жеңімпазы болуы мүмкін. Бұл туралы атақты шолушы Дэйв Мельтцер FightTime портолына айтты.

"Конор Макгрегормен келісім-шарт жақсы өтіп жатыр. Келісімшартқа әлі қол қойылмады, бірақ жақындап қалдық. Қазіргі уақытта 2018 жылға екі кездесу өткізу талқылануда. Көпшілік қазір барлығы МакГрегорды Флойд Мэйуэзермен ММА ережесімен реванш өткізу туралы айтуда. Реваншқа Мэйуэзер қомақты ақша ұсынса да шықпайды деп ойлаймын. Басты мақсат - Конорды Тони Фергюсон мен Хабиб Нурмагамедов жұбының жеңімпазымен шығару", - Мельтцер.

Еске сала кетейік, Макгрегор 2016 жылы Эдди Альваресті нокаундқа түсіріп, жеңіл салмақ әлем чемпионы атанды. Бірақ содан бері октагонға шықпады. Бұнымен қатар өткен жылдың тамыз айында бокс ережесі бойынша Мэйуэзермен жекпе-жек өткізіп, 10-раундта жеңіліп қалған болатын.

Әлеуметтік желілерде бөлісу