МакГрегор 40 секундтағы жеңісінен кейін Хабибпен жекпе-жек жайлы мәлімдеме жасады

Ирландиялық Конор МакГрегор UFC чемпионы Хабиб Нурмагомедовпен қарымта туралы мәлімдеме жасады, - деп хабарлайды Sports.ru.

19 қаңтарда МакГрегор UFC 246 турнирінде америкалық Дональд Серронені 40 секундта нокаутқа түсірген. Бұл ирландиялық файтердің 2018 жылдың қазанында Нурмагомедовтен жеңілгеннен кейінгі алғашқы жекпе-жегі.

"Хабибтің ерекше дағдылары мен өзіндік стилі бар. Қарымтаға барынша тиянақты дайындаламын. Дана неге Хабибпен Мәскеуде жұдырықтасумызға қарсы? Ресей мен орыстар ұнайды. Хабибке қарағанда мен көбірек орыспын. PPV үшін? Шынымен солай ойлайсыздар ма? Бірінші жекпе-жекте аз табыс көріп па едік?" - дейді МакГрегор. 

Хабиб Нурмагомедов келесі жекпе-жегін 19 сәуір Нью-Йорктегі UFC 249 турнирінде Тони Фергюсонмен жұдырықтасады. Ресейлік белбеуін үшінші рет қорғайды. 

Нурмагомедовтың әкесі МакГрегормен қарымта жекпе-жек туралы мәлімдеме жасады