UFC-де өнер көрсететін Шавкат Рахмоновтың америкалық Джефф Нилға қарсы жекпе-жегі карьерасындағы ең ауыр айқас деуге болар, алайда қазақ файтер бұл жолы жеңіс туын көтерді, деп хабарлайды Vesti.kz.
Бұл кездесу Лас-Вегастағы UFC 285 турнирінде өтіп, үшінші раундта қылқындыру әдісімен аяқталды.
Осылайша, "Номад" жеңіс сериясын 17-0 есебіне дейін жеткізді де, UFC рейтингінде алтыншы орынға көтерілді.
Ал Рахмоновтың UFC 285 турниріндегі жеңісіне өзге файтерлер мынадай пікір білдірген:
Бен Аскрен: Вау, недеген айқас, қызық болды!!!
Белал Мухаммад: Бауырым, мынау жыл жекпе-жегі.
Содик Юсуфф: Мерзімінен бұрын жеңді. Екеуі де әдемі кездесу көрсетті.
Шон Стрикланд: Кардтағы барлық бонусты Нил мен Рахмоновқа бере салыңдар.
Крис Вайдман: Сайтан алғыр! Қылқындырып тастай салды.
Терренс МакКинни: Шавкат - ол құбыжық.
Таннер Босер: Екеуіне де бонус беріңдер. Ал Шавкатқа мына әдісі үшін қосымша ақша төлеу қажет. Сондай керемет айқас!
Винс Моралес: Аяқта тік тұрып қылқындыру, міне мені толқытып жібергені осы!
Ян Блахович: Әдемі жасады, Шавкат.
Джастин Гейджи: Нил мен Рахмонов, сол кештің басты айқасы. Мықты жігіттер.