Бүгін, 19 мамыр Алматыда Hardcore Fighting Championsip (HFC) лигасының турнирі өтеді, деп хабарлайды Vesti.kz.
Almaty Arena-да өтетін жекпе-жек кешінде Мұратбек Қасымбай (11-4) жәнет Қуат "Найман" Хамитов (23-8-1) сияқты белгілі файтерлер және тағы үш қазақстандық жұдырықтасады.
27 жастағы Мұратбектің қарсыласы әзірбайжандық Аловсет Мамиев (1-0), ол атын негізінен Поп-ММА-де шығарған.
Ал Хамитов ресейлік Залимхан Юсуповпен (19-13) айқасады. 35 жастағы Қуат үшін бұл биылдыққа екінші жекпе-жек, бұған дейін наурызда өткен Mergen FC турнирінде ол қарсыласын мерзімінен бұрын жеңген еді. Юсупов еркін күреспен айналысып, 2012 жылы Тәжікстан құрамасымен Олимпиадада белдескенін айта кетейік.
Турнир 19:00-де басталады. Трансляция Вконтакте желісінде қолжетімді.