Қуат Хамитов чемпион титулы үшін қарымта жекпе-жек өткізеді
Сурет: спортшының instagram желісінен
Қазақстандық Қуат "Найман" Хамитов пен әзірбайжандық Нариман Аббасов арасындағы қарымта қыркүйекте Бакуде (Әзірбайжан) өтеді. Бұл туралы Vesti.kz тілшісіне файтердің командасына жақын мәлімет көзі хабарлады.
Жеңіл салмақта бос болған Fight Nights Global ресейлік промоушенінің чемпиондық белбеуі үшін алғашқы кездесу 27 сәуір Мәскеу маңындағы Мытищи қаласында өткен. Бұл жекпе-жекте Хамитов төрешілер шешімімен жеңілді. Осыдан кейін апелляция берді. Қуат иық жарақатының жазылмағанына байланысты жеңілгенін мәлімдеді, алайда, қарсыласы бұған күлген еді.
Хамитов үшін бұл жекпе-жек 17 ай үзілістен кейін алғашқысы болды. Аббасовқа дейін ол 2017 жылы қарашада жұдырықтасқан.
Sherdog статистикасы бойынша, 31 жастағы Хамитовте 19 жеңіс, жеті жеңіліс және бір тең түскен жекпе-жек бар. Соңғысы FNG белбеуін жеңіп алудың екінші мүмкіндігі болатын - 2017 жылы сәуірде қазақстандық ресейлік Магомедсайгид Алибековтен (10-1) төрешілер шешімімен жеңілген.