Комаға түскен Хабиб Нурмагомедовтың әкесі есін жиды
UFC чемпионы Хабиб Нурмагомедовтің әкесі әрі бапкері Абдулманап Нурмагомедов есін жиды. Бұл туралы Baza тelegram арнасы хабарлады.
Жағдайы өте нашар деген ақпаратқа қарамастан, қазір Абдулманап Нурмагомедовтің жағдайы тұрақты, бірақ, ауыр. Ол шынымен бірнеше күн бұрын комаға түскен, алайда есін жиған екен. Қазір бапкер Мәскеу маңындағы клиникалардың бірінде емделуде.
Бұған дейін 57 жастағы Абдулманап Нурмагомедовтің 25 сәуірде Дағыстанда ауруханаға түсіп, пневмония диагнозы қойылғаны хабарланған еді. 3 мамырда оның денсаулығы нашарлап, Мәскеуге жеткізілген.