Әлеуметтік желіде Серік Сәпиев пен балуанның төбелесіне қатысты тағы бір дерек шыққан еді. Бұл туралы танымал қазақстандық боксшы Аида Сатыбалдинова айтты. Ол ММА балуаны Зелимхан Мусиханов колледжден шығарылғанын мәлімдеді. Мусиханов білім алып жатқан Қазақ спорт және туризм академиясы өкілдері осы жағдайға қатысты пікір білдірді, деп хабарлайды Vesti.kz порталы Massaget.kz сайтына сілтеме жасап.
Қазақ спорт және туризм академиясы өкілдерінің айтуынша, Зелимханның оқудан шығарылуына қатысты мәселе болмаған.
"Оқудан шығарылған жоқ. Ешқандай мәселе туындамады. Бізде оқиды. Ол - 3 курс студенті. Соңғы жылы. Мамандығы - дене тәрбиесі мұғалімі. Қазір іс-тәжірибесінде", - деді колледж өкілі.
Еске салайық, Batyrball ойыны (күрес аралас баскетбол) кезінде Серік Сәпиев балуанмен жанжалдасып қалды. Балуан Зелимхан Мұсиханов Сәпиевке қарсы күрес әдісін қолданған, бұл боксшыға ұнамай қалған, кейін төбелес басталған. Өзге ойыншылар спортшыларды ажыратып үлгерген.
Алайда олар кейінірек киім ауыстыратын бөлмеде тағы дауласқан. Sever-Yug командасының балуаны Зелимхан Мусихановтың жаттықтырушысы Александр Гольцман болған жанжалға қатысты пікірін айтқан болатын. Бұл оқиғаға қатысты Серік Сәпиев те пікір білдірген еді.
Сондай-ақ, бокстан Олимпиада чемпионы Серік Сәпиевпен төбелесіп қалған ММА балуаны Зелимхан Мусиханов колледжден шығарылғаны туралы ақпарат тарады.