"Керемет сынақ болғалы тұр". Менеджер Абрахманов Рахмоновтың қарсыласы туралы

UFC ұйымында жартылай орта салмақта өнер көрсететін Шавхат Рахмоновтың (13-0) менеджері Саят Абдрахманов спортшының жаңа қарсыласының деңгейіне баға берді,- деп хабарлайды Vesti.kz тілшісі. 

Осыған дейін қазақстандық файтер 26 маусымда бразилиялық ардагер Мешель Празерспен (26-3) жекпе-жекке шығатыны туралы ақпарат тараған болатын. Рахмонов үшін бұл UFC ұйымындағы екінші кездесуі болмақ.

"Иә, 26 маусымда Шавхат октогонга қайта оралады. Ол UFC-де Гилберт Бернс, Майрбек Тайсумов сынды мықтылармен 13 жекпе-жек өткізген тәжірибелі спортшыға қарсы шығады. Оның үстіне Шавхаттың қарсыласы жеңіс сериясына жету үшін ұзақ уақыт жұмсаған. Бірақ ол соңғы жекпе-жегінде жеңіліп қалды.

Шавхаттың басымдығы антропометрияда, қарсыласында - тәжірибеде болмақ.  Меніңше бұл Шавхат үшін керемет тәжірибе болады әрі оның дивизиондағы орнын шегелеп береді. Ол әлемнің үздік ұйымында жақсы өнер көрсете беретініне сенімдімін” - дейді Абдрахманов өз сөзінде.

Естеріңізге сала кетейік, жекпе-жектің қайда өтетіні туралы ақпарат әлі шыққан жоқ.