Аралас жекпе-жектің қазақстандық шебері Нұрберген Шәріпов Mergen Fightning Championship лигасын Қуат "Найман" Хамитовпен қарымта ұйымдастырып беруін сұрады, деп хабарлайды Vesti.kz.
18 желтоқсан Атырауда Қуат пен Нұрберген грэпплинг ережесі бойынша белдескен. Үшінші раундта Хамитов жарақат алып, белдесуді жалғастыра алмады. Осылайша, жеңіс Шәріповке берілді.
"Көп күткен Mergen FC аяқталды, мені қолдағандардың бәріне алғыс білдіремін! Ұйымдастырушылардан Қуат Хамитовпен қарымта ұйымдастырып беруін сұраймын, өйткені маған нағыз жеңіс керек. Қарсыласым жарақаттанып қалғандағы жеңіс маған керегі жоқ! Осынша уақыт ондайға дайындалған жоқпын... Сондықтан тағы бір белдесуге мүмкін беруді сұраймын", - деп жазыпты Шәріпов Instagram желісінде.