Қазақстандық спортшы қарсыласын бірінші раундта нокаутқа түсіріп Fury FC чемпионы атанды

Жартылай орта салмақтағы қазақстандық файтер Николай Веретенников (9-3) Хьюстондағы Fury FC 46 турнирінде қарсыласын бірінші раундта нокаутқа түсіріп, Fury FC промоушенінің чемпионы атанды, деп хабарлайды Vesti.kz.

Веретенниковтың қарсыласы 31 жастағы америкалық Энтони Айви (8-5) болды. Бірінші раундтың екінші минутында қазақстандық қарсыласын тізеге салғаннан кейін төреші жекпе-жекті тоқтатты. 

We have a new @FuryFightingTX Welterweight champion! #FuryFC46 pic.twitter.com/WGhPmtgTj6

— UFC FIGHT PASS (@UFCFightPass) May 17, 2021

Бұл турнирді UFC президенті Дана Уайт та тамашалады. Ол Николайды жеке құттықтап, DWCS (Дана Уайттың үміткерлер сериясына) жарысына шақырғанға ұқсайды. Бұл жарыста өнер көрсетеін спортшылар UFC промоушенінде жұдырықтасу мүмкіндігіне жете алады.

Қазақстандық спортшы 2016 жылдан бері жеңілмей келеді. Ол Америкаға барғалы сегіз айқастан тұратын жеңіс сериясын үзбеді.