Қазақстандық спортшы Сергей Морозовтың (16-4) UFC ұйымындағы бірінші қарсыласы болуы мүмкін деген спортшы анықталды.
ТАСС тілшісі Игорь Лазориннің ақпараты бойынша, отандасымыздың қарсыласы ресейлік Умар Нурмагомедов (12-0) болуы мүмкін. Қазіргі уақытта UFC осы кездесуді ұйымдастыру үшін келіссөз жүргізіп жатыр.
Морозовтың UFC ұйымындағы дебюті 24 қазанға жоспарланған. Қазақстандық спортшы UFC 254 турнирінде өнер көрсетуі керек. Бұл жекпе-жек кешінің басты кездесуінде жеңіл салмақта ұйымның чемпионы Хабиб Нурмагомедов америкалық Джастин Гэтжиге қарсы шығады. Айқас Абу-Даби қаласындағы "Жауынгерлер аралында" өтеді.
UFC ұйымына Морозов жеңіл салмақта M-1 Global ұйымының чемпионы ретінде ауысты. Ақтөбе тумасы соңғы кездесуін 19 қараша күні Нұр-Сұлтан қаласында өткізіп, төрешілер шешімі бойынша америкалық Джош Реттингхаустан үстем түсті.
31 жастағы Морозов аралас жекпе-жектегі бірінші кездесуін 2008 жылы өткізді. Оның еншісінде 16 жеңіс және 4 жеңіліс бар. Умар Нурмагомедов болса, Хабибтің немере інісі.