MMA
Бүгін 13:13

Қазақстандық файтер соңғы қарсыласын сұлатқан өзбекстандықпен айқасады

© NAIZA

Қазақстандық файтер Санжар Тәжиев (4-4) 12 желтоқсанда Алматыда өтетін Nomad Fighting промоушенінің турнирінде өзбекстандық Мухиддин Мамажоновпен (10-2-1) жекпе-жек өткізеді, деп хабарлайды Vesti.kz.

Тәжиев Алматыда өзбекстандық файтермен кездеседі

Бұл туралы ұйымның баспасөз қызметі мәлімдеді. Жекпе-жек жартылай орта салмақта өтеді.

Тәжиев үшін бұл қыркүйекте Hype FC турнирінде өткен айқастан кейінгі алғашқы жекпе-жек болмақ. Сол кезде ол грузиялық файтер Торнике Сванидзеге (10-3) есе жіберген еді. Қазақстандық спортшының жарақатына байланысты кездесу бірінші раундта аяқталған болатын.

Мамажонов соңғы жекпе-жегінде нокаутпен жеңіске жетті

Мухиддин Мамажонов октагонға соңғы рет қазан айында IBA Nomad 16 турнирінде шықты. Сол кезде өзбекстандық файтер тәжікстандық Шодруз Давлатовты екінші раундта нокаутқа түсіріп, жеңіске жетті.

Vesti.kz сайтын осы әлеуметтік желілерінде оқыңыздар

@vestisport @vestikzsport

Vesti-де Tik Tok та бар @vestikzsport