Әйелдер арасында ММА-ден Қазақстан тарихында алғашқы әлем чемпионы атанған Мария Агапова (6-0) UFC басшысы Дана Уайттың шоуындағы жекпе-жегі алдында салмақ өлшеу рәсіміне қатысты. Бұл туралы спортшы Instagram желісіндегі парақшасында жазды, - деп хабарлайды Vesti.kz.
Агапова Dana White's Tuesday Night Contender Series турнирінде жекпе-жек өткізеді. Оның қарсыласы америкалық Трэйси Кортес (5-1) болады.
Кездесу 30 шілдеде (Қазақстан уақытымен 31 шілде) Лас-Вегаста өтеді. Жеңіске жеткен файтер UFC-мен келісімшартқа отырады.
"Салмақ өлшедік. Тура 125 фунт. Ертең қолымнан келетіннің бәрін көрсетемін. Бұл жекпе-жекте тек мықтысы жеңіске жетеді. Қазақстан, алға!", - деп жазды Агапова.
Айта кетейік, Агапова кәсіпқой карьерасын 2015 жылы бастаған. Бүгінге дейін алты жекпе-жек өткізіп, бәрін жеңіспен аяқтаған. Ол Қытайда Heroines әлемдік лигасында және ММА-ден әуесқойлар арасындағы әлем чемпионатында топ жарған.
Публикация от Maria Agapova (@mma.mashka)
29 Июл 2019 в 10:53 PDT