UFC президенті Дана Уайт қазақстандық Мария Агапова (10-2) мен Марина Мороз (10-3) жекпе-жегіне қатысты пікір білдірді, деп хабарлайды Vesti.kz.
Уайттың сөзінше бұл айқас Лас-Вегастағы UFC 272 турнирінің ашылуы болады.
"Мария бұған дейін Сабина Мазоны жеңді. Оның стилі өте агрессив, әрдайым өз дегенін жүргізеді. Осылайша, он айқасының сегізінде жеңді. Ал Марина олардың хайпын тоқтатып, жеңіл дивизионда жеңіс жолын ары қарай жалғастыра алады. Қыздар бірге жаттыққан, бірақ, қазір араз. Біз осы текетірес немен аяқталарын күттік", - дейді Уайт.