Қазақстандық ММА файтері және актер Еркебұлан Тоқтар Шовхал Чурчаевпен жұдырықтасуы мүмкін, деп хабарлайды mmafighters.kz. Жекпе-жек OCTAGON лигасында өтуі ықтимал.
"Дереккөздердің мәліметінше, OCTAGON лигасында ММА жекпе-жегін ұйымдастыру бойынша келіссөздер жүріп жатыр. Тоқтар мен Чурчаев. Жыл жекпе-жегі Қазақстанда жоспарланған! Кім жеңеді?" – деп жазған басылым.
Айта кетейік, Тоқтар кейінгі айқасында ирандық Джабер Мирзазадені жеңген еді. Жекпе-жек Алматыда OCTAGON 38 турнирінде өтті.
Чурчаев ММА-мен қатар, поп-ММА файтері ретінде танымал. Чурчаев 2020 жылғы жекпе-жектердің бірін қазақстандық Мұратбек Қасымбаймен өткізіп, төрешілер шешімімен жеңіске жетті.
Бұған қоса, Чурчаев ирандық ММА файтері Мохаммад Хейбатиді ұрып-соғып, өлтіремін деп қорқытқан еді.
Олардың арасындағы жанжал 21 тамызда Мәскеуде болған. Подкаст үстінде Чурчаев Хейбатиді кенет басынан ұрып нокаутқа түсірді, содан кейін ол тапанша алып, Мохаммадқа тізеге тұруын бұйырғанинді.