UFC-дің екі салмақтағы бұрынғы чемпионы амеркиалық Генри Сехудо (16-5) Астанада өткен Alash Pride FC 108 турниріндегі жекпе-жегі туралы айтып берді, деп хабарлайды Vesti.kz.
Бір белдесіп, қыруар ақшаны өзімен алып кетті
Еске салсақ, Сехудо грэпплинг ережелері бойынша жекпе-жекке шығып, қазақстандық үздік спортшылардың бірі, ONE Championship ұйымының бұрынғы чемпионы Қайрат Ахметовпен (27-2) кездесті. Белдесу нәтижесінде америкалық файтер 8:5 есебімен жеңіске жетті.
Сехудо Pound 4 Pound подкастында Қазақстандағы сапарынан алған әсерімен бөлісті:
"Шынымды айтсам, мен бұл шараға жай ғана қатысу үшін келгенмін. Бірақ маған: “Генри, рингке шықшы” деп ұсыныс жасады. Бастапқыда бас тарттым: көзім әлі толық жазылмаған, физикалық дайын емеспін дедім. Бірақ маған соманы көрсеткенде - бірден келістім", – деді ол.
Сехудо ұсынылған қаражат көлемі мен сыйлықтарға таң қалғанын жасырмады.
"Қанша төлегендерін айтқым да келмейді. Бұл – өте көп ақша. Маған сонша сыйлық берді, бір жыл бойы қамсыз өмір сүре аламын. Барлығы керемет өтті", – деп қосты UFC файтері.
Henry Cejudo breaks down his spontaneous match against a ONE FC champion??? #UFC #UFC316 pic.twitter.com/05LgFd0LSG
— Pound 4 Pound (@pound4poundshow) June 3, 2025
Жарнама