Қазақ спортшының салмақ қуу кезінде бүйрегі істемей қалды. Жекпе-жек өтпейді

Қазақстандық спортшы Қаршыға Дәутбектің (9-3) ресейлік Никита Чистяковқа (11-6-1) қарсы жекпе-жегі өтпейтін болды. Бұл туралы ACA Kazakhstan баспасөз қызметі хабарлап отыр. 

Салмақ түсіру кезінде Қаршығаның бүйрегі жұмыс атқармай қалды да, дәрігерлер оған ары қарай салмақ түсіруге тыйым салды. 

Қазақстандық АСА 119 турнирінде бүгін, 12 наурыз Краснодарда жекпе-жек өткізуі керек болған.

Кейінгі рет қазақстандық файтер былтыр ақпанда Аlash Pride FC турнирінде жұдырықтасып, төрешілер шешімімен жеңіске жеткен. Осылайша, ол Russian Cagefighting Championship (RCC) және Rizin промоушендеріндегі екі кездесу қатар жеңілген сәтсіздіктер сериясын тоқтатты. 

Қаршыға карьерасының басым бөлігін Alash Pride FC промоушенінде өткізген.