Үлкен жарыстарға Ресейдің атынан шығып жүрген Ілияс Хамзин (9-2) жуырда кәсіпқой карьреасындағы кезекті айқасын өткізеді, деп хабарлайды Vesti.kz тілшісі.
6 мамыр күні ол Екатеринбург қаласында RCC 11 турнирінде бразилиялық Виктор Фигейредомен (12-4) күш сынасады.
Еске салайық, Хамзин Ресейдің Омбы қаласында дүниеге келген этникалық қазақ жігіті. Оның негізгі айналысқан спорты кикбоксинг. UFC жұлдызы Петр Янмен бірнеше жылдан бері жақын араласады және Янның жекпе-жектерінде бірнеше рет секундант болған.
Ол октагонға соңғы рет ақпан айында шығып, төрешілердің бір ауыздан шыққан шешімімен бразилиялық Луана Сантьягоны (16-6) жеңді.