Жеңіл салмақта UFC экс-чемпионы Генри Сехудо ирландиялық Конор МакГрегорға қатысты ойын ашық айтты, деп хабарлайды Vesti.kz тілшісі.
Әлеуметтік желіде Сехудоның жанкүйерлерінің бірі спортшыдан МакГрегормен оқу-жаттығу жиындарын өткізуге қалай қарайтынын сұраған.
"Одан жүрегім айниды. Ол менен тізерлеп отырып өтініш айтса да келіспеймін. Беті аулақ", - дейді Генри Сехудо.
Еске салайық, МакГрегор 2021 жылдың шілде айынан бері октагонға шықпады. Соңғы рет америкалық Дастин Порьеге есе жіберіп, жарақатынан әлі күнге дейін толық емделмеді.