Қазақстандық файтер Жалғас Жұмағұлов (ММА: 19-9) Алматыда өткен IBA Nomad 14 турнирінде жеңіске жетті, деп хабарлайды Vesti.kz.
Қазақстандық спортшының қарсыласы Қырғызстаннан келген ACA ұйымының бұрынғы файтері Кайрат Нурбай уулу (16-7) болды. Бұл жекпе-жекте Жұмағұлов қарсыласын нокаутқа түсірді.
Бұл кездесу Жұмағұлов үшін Nomad ережесі бойынша алғашқы жекпе-жек болды. Аталған формат бокс пен ММА элементтерін біріктіреді: спортшылар ММА қолғаптарымен жұдырықтасады, сондай-ақ, қысқа уақыттық клинчтер мен ұстасуларға рұқсат беріледі.
Еске салайық, 6 маусым күні Братиславада (Словакия) Жалғас қазіргі Oktagon MMA ұйымының жеңіл салмақтағы чемпионы – бразилиялық Игор Севериноға (10-1) қарсы жекпе-жек өткізеді. Бұл айқаста дивизион белбеуі сарапқа салынады.
Бұл кездесу Жұмағұлов үшін ұйымдағы екінші чемпиондық титулды жеңіп алу мүмкіндігі болмақ. Бұған дейін ол Oktagon-да ең жеңіл салмақта чемпион атанған.
Соңғы рет Жалғас октагонға желтоқсан айында шығып, чехиялық файтер Давид Дворжакты (22-7) екі раундтың қорытындысы бойынша мерзімінен бұрын жеңген болатын.
Жарнама