Қазақстандық ММА шебері Жалғас Жұмағұлов (14-6) Лас-Вегаста (Невада, АҚШ) өтетін UFC Fight Night 207 турниріне дайындығымен бөлісті, деп хабарлайды Vesti.kz тілшісі.
"Соңғы жаттығуларды шыңдап жатырмыз. Дүйсенбі күні айқас өткізу үшін Вегасқа жол тартамыз. Әлхамдулилла, бабым жақсы. Сіздерді жеңіспен қуантамын. Мүлдем басқа болып оралдым", - деп жазды Жұмағұлов инстаграм парақшасында.
Еске салайық, Қазақстан уақытымен 5 маусымда Жалғас Жұмағұлов америкалық Джефф Молинамен (10-2) кездеседі. Отандасымыз октагонға алғашқы кардтарда шығады. Ал кештің басты жекпе-жегі Александр Волков пен Жаирзиньо Розенстрайк арасында өтеді.