Жалғас Жұмағұлов UFC ұйымындағы бірінші қарсыласы салмақ өлшеуден өте алмай қалды

Қазақстандық спортшы Жалғас Жұмағұлов (13-3) UFC ұйымындағы бірінші кездесуі алдында салмақ өлшеуден өтті, деп хабарлайды Vesti.kz порталы. 

11 шілдеден 12 шілдеге ауысқан түні Жұмағұлов Абу-Даби қаласындағы "Жауынгерлер аралында" UFC 251 турнирінде төбелеседі. Оның қарсыласы бразилилық Раулиан Пайва (19-3). Турнирді Қазақстанда QazSport телеарнасы тікелей эфирде көрсетеді. Трансляция Нұр-Сұлтан уақытымен 3:55 те басталады. 

Салмақ өлшеу рәсімінде Жұмағұлов 126 фунтты (57,125 килограмм) болды. Ал оның қарсыласы 129 фунт (58,513 килограмм) болды. Жеңіл салмақтың лимиті 125 фунт. Бірақ титулды емес кездесулерде бір фунтқа артық болуға рұқсат етілген. 

Осылайша, Жұмағұлов жекпе-жекке рұқсат алды. Ал оның қарсыласы үш фунт тастау керек. Егер Пайва салмағын тастап үлгермесе сыйақысының 20 пайызы Жұмағұловқа беріледі. 

Жұмаұлов пен Пайва арасындағы кездесу жеңіл салмақтың лимитінде өтеді. Кездесу үш раундқа жоспарланып отыр. 

Қазақстандық спортшыдан бөлек, шоуда жартылай орта салмақтағы ұйымның чемпионы Камару Усман (16-1-0) мен америкалық Хорхе Масвидаль (35-13-0), жеңіл салмақтың чемпионы австралиялық Александр Волкановски (21-1-0) мен америкалық Макс Холлоуэй (21-5-0) арасындағы тартысты кездесулер өтеді.