Жалғас Жұмағұлов UFC-дегі жекпе-жегі үшін қанша сыйақы алғаны айтылды

Аралас жекпе-жекте өнер көрсететін отандасымыз Жалғас Жұмағұловтың UFC ұйымында өткізген бірінші кездесуінд қанша сыйақы алғаны анықталды, деп хабарлайды Vesti.kz порталы. 

Бірінші кездесуін отандасымыз UFC 251 турнирінде өткізді. Үш раундтың қорытындысы бойынша Жұмағұлов бразилиялық Раулиан Пайвадан жеңілді. 

Express.co.uk басылымының мәліметі бойынша, бұл кездесу үшін Жұмағұлов 12 мың доллар сыйақы алыпты. Бұл жерде оның салығы да бар. Оның қарсыласы Пайва да дәл осындай гонарар алған. 

Бір айтатын кететін жәйт, бразилиялықтың 20 пайыз сыйақысы отандасымызға беріледі. Өйткені, Пайваның салмағы ең жеңіл салмақтың лимитінен асып кетті. 

Бұл кездесудің нәтижесімен көптеген UFC сарапшылары келіспейді. Нақтырақ айтатын болсақ, жекпе-жектен кейін 20 сарапшының 16-сы төрешілердің шешімі дұрыс болмағанын айтты.