Қазақстандық файтер Жалғас Жұмағұлов UFC промоушеніндегі жекпе-жегін асыға күтетінін айтады.
Жұмағұловтың әлемнің ең мықты промоушенімен келісімшартқа отырғаны туралы ақпанда белгілі болған. Мұның алдында қазақстандық спортшы ресейлік Fight Nights Global ұйымының чемпионы болған.
Жалғастың UFC-дегі бірінші жекпе-жегі 11 шілде Абу-Дабидегі UFC 251 турнирінде өтеді. Қазақстандық файтердің қарсыласы бразилиялық Раулиан Пайва.
"Осы жекпе-жекке өте асықпын", - деп жазыпты Жұмағұлов Instagram желісінде жекпе-жектің жанкүйерлік афишасын жариялап.