Хабиб Нурмагомедов үшін ең қолайсыз қарсылас аталды

Жаңа зеландиялық UFC файтері Дэн Хукер жеңіл салмақтағы чемпион Хабиб Нурмагомедовті кім жеңе алатынын айтады.

31 жастағы Нурмагомедов әлі жеңілмеді. Ол 28 жекпе-жектің барлығында жеңіске жеткен. Соңғы рет дағыстандық спортшы октогонда 7 қыркүйекте жұдырықтасып, америкалық Дастин Порьені жеңді. 

"Алғашқы ондықта қиындық тудыратын файтерлер жетерлік. Джастин Гэтжиді алар болсақ, онымен жекпе-жек өте ауыр болады. Мұнда көп нәрсе стильге байланысты. Меніңше, Кевин Ли жеңеді. Оның стилі бар, ол Хабибті өзінің жұдырықтасу ыңғайына мәжбүрлеп жеңе алады. 

Дональд Серроне де осы тізімде. Ресейлік үшін ең жаман қарсылас - Гэтжи", - дейді Хукер.