UFC-дің жеңіл салмақ дәрежесіндегі бұрынғы чемпионы Хабиб Нұрмагомедов Конор Макрегор мен Дастин Порье арасындағы үшінші кездесуге болжам жасады деп хабарлайды Vesti.kz.
"Бірінші раундта Конор ұпай санымен алға шығуы тиіс. Одан кейінгі раундтарда Порье жеңіске жетеді, - дейді ресейлік ММА шебері UFC Russia YouTube каналына берген сұхбатында.
Конор Макрегор мен Дастин Порье арасындағы жекпе-жек кеші 10-шілде күні өтеді. Қос спортшы 2014-ші жылы кездесіп, Конор бірінші раундта нокаутпен ұтқан болатын. 2021-ші жылы қарымта айқаста Дастин басым түскен.