Деонтай Уайлдердің (42-1-1, 41 КО) бапкері Малик Скотт тәлімгерінің Тайсон Фьюриден (30-0-1, 21 КО) жеңілгеннен кейін жағдайы қалай екенін айтты, деп жазады The Mirror.
Бұл кездесу Лас-Вегас (Невада штаты, АҚШ) қаласындағы T-Mobile Arena спорт кешенінде өтіп, 11 раундта Фьюридің жеңісімен аяқталды. Британиялық боксшы қарсыласын ауыр нокаутқа жіберді. Ал оған дейін екі боксшы да екі-екі реттен нокдаунға түскен еді. Кейін америкалық боксшыны бірден емханаға алып кеткен.
"Иә, біз жекпе-жектен кейін бірден емханаға бардық. Жалпы Деонтейдің жағдайы жақсы. Оның қолы сынып, ерні жыртылған. Сонымен қатар, Уайлдердің саусағы сыныпты", - деп келтіреді Скорттың сөзін The Mirror.
Айта кетейік, Тайсон Фьюри үшін бұл кәсіпқой бокстағы 32 айқас болды. Британдық боксшы 31 кездесуінде жеңіс тойын тойлаған. 22 рет Фьюри қарсыластарын нокаутқа жіберген. Ал Уайлдер 45 кездесу өткізіп, 41 мәрте қарсыластарын нокаутқа жіберге, бір рет тең түсіп, екі кездесуде жеңілістің кермек дәмін татып отыр.
Еске салайық, Фьюри мен Уайлдер осымен үшінші рет кездесті. Олардың бірінші кездесуі 2018 жылдың желтоқсан айында өтіп, тең аяқталған. Екінші айқас 2020 жылдың қаңтарында болып, Фьюри Уайлдерді нокаутқа түсірген.