Фергюсон Хабиб Нурмагамедовты UFC ұйымындағы ең нашар спортшы деп атады

Хабиб Нурмагомедовпен октаганда кездесуі керек болған аралас жекпе-жекте америкалық спортшы Тони Фергюсон, қарсыласының кешірім сұрағанын шынайы емес деді, - деп хабарлайды Vesti.kz.

"Оның Instagram желісінде кешірім сұрап жазған постын менеджері жасағанын білемін. Оның менеджері ол үшін барлығын істейді. Ол кейде аккаунттарды шатастарып, Хабибтың атынан жазып отырмын деп ойлайды. Менен кешірім сұралған жоқ. Ол бос сөздерді көп айтып, өзін чемпион санайды. Сен чемпион емессің. Жеңіл салмақта да өз командаңда да (лагер) сен ең нашарысың", - дейді Фергюсон.

"Али (ресейлік спортшының менеджері Али Абдель-Азиз), біздің кәсіптің қалай жасалатынын біледі. Ол ережені біледі. Әйтпегенде ол мықтылардың менеджері болмас еді. Ол үрейленді ме жоқ па - мұның бәрі бос сөз. Сенің бірінші істеуің керек нәрсе UFC ұйымына қоңырау шалуың қажет. Бізде кезекші дәрігерлер бар, олар жәй отырған жоқ", - деді ол.

Спортшы октаганда Нурмагомедовтың күл талқанын шығару мүмкіндігінен айырылып қалғанына көңілі түскен.

Еске салайық, Хабиб Нурмагомедовтың көп күттірген жекпе-жегі өтпей қалған еді. Спортшы әлсірегендіктен, салмақ өлшеу рәсіміне қатыса алмаған.