UFC-де өнер көрсететін өте жеңіл салмақтағы британиялық Мухаммад Мокаев бір жекпе-жектегі тейкдаундар саны бойынша промоушен рекордын орнатты.
Америкалық Чарльз Джонсонмен жекпе-жекте тегі дағыстандық Мухаммад 12 тейкдаун жасады.
"UFC тарихында өте жеңіл салмақтағы ең көп тейкдаун! Тарихты асықпай жазып жатырмын", - депті Мокаев твиттерде.
Еске салайық, Мокаев пен Джонсон жекпе-жегі толық үш раунд өтіп, төрешілер 30:27, 30:27, 30:27 есебімен жеңісті британиялыққа берді. Мокаев UFC-дегі екінші айқасында екінші рет жеңді, Сонымен қоса, ол жалпы ММА-дегі тоғыз жекпе-жегінде сегіз рет жеңген.