ESPN қазақстандық файтердің сенсациялық жеңілісінің себебін атады

Сурет: Fightnews.info

Белгілі ESPN телеарнасы қазақстандық Мария Агапова (9-2) мен америкалық Шана Добсон (4-4) арасындағы жекпе-жек бойынша қорытынды шығарды.

Бұл кездесу UFC on ESPN 15 турнирінде өтіп, Агапова екінші раундта жеңіліп қалды.

"31 жастағы Добсон UFC-ге келгенде тек бір рет жеңіп, үш рет жеңіліп келген еді. Ақпанда 40 секундта-ақ нокаутқа түскен болатын. Агапова Добсонның UFC-дегі статистикасына алданып, қарсыласын менсінбеген болса керек. Жекпе-жек басталысымен атыла кеткені соның дәлелі. Мария сақтық дегенді ұмытты, ал екінші раундта шаршап қалды.

Кездесу басталғанда Агапова бастан бір-екі тепкі жасады да, Добсонды партерге алып, қолымен бірнеше мықты соққы тастады. Алайда Шана бұған шыдап берді, ал екінші раундта соққы алмасу кезінде Агапова оң жағынан екі соққысын тигізді. Осыдан кейін Агапова оны бірден тейкдаунға алмақ еді, бірақ, Добсон оны астына алып, Марияны ұра бастаған еді. Агаповаға қорғанып, төреші жекпе-жекті тоқтатқанша күтуден басқа амал қалмады", - делінген ескермеде.

Осылайша, қазақстандық Мария Агапованың жеңілісі UFC тарихындағы ең үлкен апсеттердің (өкініш) бірі болды. Жекпе-жектен кейін оны ауруханаға алып кетті.

Әлеуметтік желілерде бөлісу