Қазақстандық файтер Еркебұлан Тоқтардың келесі жекпе-жегінің күні мен қарсыласы анықталды, деп хабарлайды Vesti.kz тілшісі.
Қазақстандық спортшының қарсыласы поп-ММА бағытында өнер көрсететін Өзбекстан файтері Бобиржон "Испанчик" Исроилов болады. Олардың жекпе-жегі екінші орта салмақта кәсіпқой бокс ережесі бойынша өтеді. Тартысты кездесу INTERNATIONAL BOXING DAY турнирінің аясында ұйымдастырылады.
Жекпе-жек 28 тамызда Астанадағы Жақсылық Үшкемпіров атындағы Жекпе-жек сарайының рингінде өтеді.
Еркебұлан соңғы жекпе-жегін 4 шілдеде Алматыдағы IBA Nomad 15 турнирінде өткізді. Ол сол кездесуде ресейлік блогер әрі файтер Артем Тарасовты бірінші раундта нокаутпен жеңді.
Ал Исроилов – муай-тайдан әлем чемпионы. Ол соңғы жекпе-жегін 27 маусымда OCTAGON лигасында өткізіп, Қазақстанның Қонаев қаласында түрікменстандық Эзиз Дурдыевты жеңді.
Жарнама