Өте жеңіл салмақта UFC чемпион болған Деметриус Джонсон жеңіл дивизионда титулы бар Ислам Махачевті салмағына қарамастан ең мықты файтер есептейді, деп хабарлайды Vesti.kz.
Джонсонның пікірінше, америкалық промоушендегі ең мықтылар
"Қазіргі таңда Ислам Махачев - салмағына қарамастан әлемдегі ең мықты файтер. Ол тік тұрып керемет жұдырықтасады, күреске мықты, дзюдо мен джиу-джитсу. Ол әмбебап. Мен үшін "паундтағы" ең мықты файтер сол. Оның артынан бірден Джон Джонс, өйткені оның да қолынан бәрі келеді", - деп береді Джонсонның сөзін vRINGe.com.
Исламның жартылай орта салмақтағы мүмкіндіктері
Джонсонның ойынша, дағыстандық чемпионда жоғары салмақта да сәтті өнер көрсетуге керектінің бәрі бар.
"Исламмен бірге жаттықанымда оның ірі екенін байқадым. Ол жартылай орта салмақта да өнер көрсете алады. Жалғыз қиындық - бойында ғана. Бірақ оның игерген дағыдалырмен, қарсыластарын нокаутқа түсіріп және берілуге мәжбүр ете алатыны арқасында, ол осы дивизионда да жетістікке жете алады", - дейді Джонсон.
Айта кетейік, жартылай орта дивизионда жеңіліп көрмеген Шавкат Рахмонов өнер көрсетеді. Мұның алдында Махачев осы дивизионға ауысса, Рахмоновпен жекпе-жекке шығуы ықтимал екені айтылған.
Жарнама