Жекпе-жек 21 наурыз UFC Fight Night 171 турнирінде Лондондағы О2 аренасында өтеді. Қазақстандық спортшының қарсыласы 33 жастағы польшалық Бартош Фабински (14-3), ол әлемнің ең атақты промоушнінде төрт кездесу өткізген.
"UFC-дегі алғашқы жекпе-жегім Қазақстан үшін тарихи оқиға болады. Бүкіл әлемге қазақтың рухын танытуға және жеңіс жолымды UFC-де жалғастыруға дайынмын", - деп келтіреді Рахмоновтың сөзін UFC Russia.
Айта кетейік, 25 жастағы Рахмонов бірінші қазақстандық файтер ретінде UFC тарихына кірген. Ол карьерасындағы 12 жекпе-жектің барлығын нокаутпен жеңген.