Қазақстандық аралас жекпе-жек шебері Әліби Ыдрыс "UFC – The Ultimate Fighter" атты белгілі реалити-шоудың 33-маусымының финалына өтті, деп хабарлайды Vesti.kz.
Ең жеңіл салмақтағы жартылай финалдық жекпе-жекте жеңіліп көрмеген Әліби венесуэлалық Ройберт Эчеверриамен айқасып, бірінші раундта-ақ нокаутпен жеңіске жетті.
10-0アリビ・イディリス???、フライングニーで1R KO勝ち
— わん (@wannmma) July 23, 2025
TUFフライ級決勝戦進出#TUF33 pic.twitter.com/SyoilQ1ndw https://t.co/mqksVnaqlL
Финал қашан және кіммен өтеді?
Ең жеңіл салмақтағы финалдық айқас 16 тамыз күні өтеді. Қазақстандық спортшының қарсыласы екінші жартылай финалдық жекпе-жектен кейін белгілі болады, онда америкалық Джозеф Моралес пен мексикалық Иманол Родригес кездеседі.
UFC-ге жол ашатын мүмкіндік
Айта кетейік, Әліби Ыдрыс "The Ultimate Fighter" шоуының 33-маусымына қатысушылардың бірі атанған болатын. Бұл жоба UFC ұйымына өтуге мүмкіндік беретін байқау ретінде белгілі. Екі салмақ дәрежесінде өтетін финалдық жекпе-жектер UFC промоушенінің нөмірлік турнирінде ұйымдастырылады. Финалда жеңіске жеткен спортшылар UFC-мен толыққанды келісімшартқа қол жеткізеді.
Жарнама