Алматыда өткен MMA OCTAGON 38 турнирінің басты жекпе-жегінде қазақстандық Бекзат Алмахан (13-1) жеңіске жетті, деп хабарлайды Vesti.kz.
Қазақ файтердің қарсыласы бразилиялық Дженилто Матос (11-4) болды. Ең жеңіл салмақтағы жекпе-жектің бірінші раундында-ақ, Бекзат қарсыласын нокаутқа түсірді. Алайда айқас тоқтатылған жоқ.
Екінші раундта да Бекзат темпті түсірмей, басымдық көрсетті. Ал үшінші раундта Матос жекпе-жекке шығудан бас тартты, оның командасы ақ орамал лақтырды. Осылайша, қазақ спортшы техникалық нокаутпен жеңіске жетті.