UFC-дің белгілі файтері бразилиялық Гилберт Бернс қазақстандық Шавкат Рахмоновтың жартылай орта салмақта чемпион атану мүмкіндігі жайлы ойын айтты.
- Шавкат Рахмоновпен бірге жаттықтың ғой. Оның әлеуеті туралы не айта аласың?
- Иә, бірге жаттығып, оның жекпе-жегіне дайындалдық. Ол - талантты проспект, тамаша жігіт. Жақсы жаттығулар болды.
- Ол жартылай орта салмақтың ең мықты бес файтері қатарына кіре ала ма?
- Сөзсіз. Шавкаттың бұл қатарға кіруге барлық мүмкіндігі бар. Оған кез келген адам жете алады, ол үшін аянбай тер төгіп, өзіңе сену қажет. Егер ол бәрін сауатты құра алса, чемпион болады деп ойлаймын. Оңай шаруа емес, бірақ, оның қолынан келеді деген ойдамын.
Еске салайық, Бернс жыл басында жартылай орта дивизионда UFC чемпионы атағы үшін жұдырықтасты, алайда, Камару Усманнан техникалық нокаутпен жеңілді.