Жартылай орта салмақта жұдырықтасатын қазақстандық файтер Серік Разығалиевтің (6-1) Naiza Fighting Championship турниріндегі қарсыласы ауысып кетті, деп хабарлайды Vesti.kz.
Турнирдің басты айқасында Серік бразилиялық Родриго Лимамен (7-2) жұдырықтасу керек болатын. Алайда ол жекпе-жекке шығудан бас тартты, себебі белгісіз.
Бразилиялықтың орнын қырғыз спортшы Бекзат Искаков (5-1) басты. Бұл кездесу 3 қазан "Алматы Арена" шаршы алаңындағы NFC 34 турнирінде өтеді.
Қырғызстандық файтер қатарынан бес жеңіс сериясымен келеді, ал кейінгі үшеуін сабмишенмен аяқтаған.
Разығалиев болса кейінгі жекпе-жегінде өзге қырғызстандық Манас Темирбековты (13-8) екінші раундта қылқындыру әдісімен жеңген.