Аралас жекпе-жекте өнер көрсететін анголалық спортшы Манел Капе қазақстандық Жалғас Жұмағұловты "Боратқа" теңеп, сес көрсетті, деп жазады Vesti.kz тілшісі.
Бұл спортшылардың айқасы 4 желтоқсанда Лас-Вегас (Невада штаты, АҚШ) UFC Fight Night 199 турнирінде өтеді. Бұл Жұмағұловтың UFC ұйымымен жасаған жаңа келісімшарты бойынша бірінші жекпе-жегі болмақ. Кездесу алдында қарсылас тағы да қазақстандық спортшының шамына тиді.
"4 желтоқсан күні Боратқа кешірім болмайды", - деп жазды Капе Instagram парақшасында.