"Бопайдың" қатысуымен өткен жекпе-жек нокаутпен аяқталды

Қазақстандық ММА шебері Зәмзәгүл "Бопай" Файзолланова (7-2) америкалық PFL лигасында Бразилиядан келген Ларисса Пачекомен (16-4) октагонда кездесті, деп хабарлайды Vesti.kz тілшісі.

Бірінші раундта бірнеше соққы өткізген отандасымыз қарсыласына қарсы қауқарсыз болды. Нәтижесінде айқас нокаутпен аяқталды.

"Бопай" кәсіпқой карьерасында 2015-2018 жылдары жиі жекпе-жектер өткізіп, кейін үш жыл үзіліс алды. 2021 жылы қайта бабына келіп, өзбекстандық Хожинисо Комолдинованы төрешілердің шешімімен жеңген еді.

Ал Ларисса Пачеко болса 15 кездесуінің он төртін уақытынан бұрын жеңіп келген UFC промоушнының бұрынғы өкілі. PFL лигасында алты айқастың тек екеуінде ғана лига чемпионы Кайла Харрисонға есе жіберген.

Larissa Pacheco continues her 1st round KO streak! Good for 6 points and the top spot in the Women's Lightweight standings!#2022PFL3 LIVE on ESPN+
? https://t.co/jPNvomkWj8 pic.twitter.com/tER5js03gc

— PFL (@PFLMMA) May 7, 2022