Жеңіл салмақтағы UFC файтері Ислам Махачев (22-1) Чарльз Оливейрамен (33-8) жекпе-жекті төрешілер шешіміне дейін жеткізбей партерде аяқтамақ ниетте екенін мәлімдеді, деп хабарлайды "Спорт-Экспресс".
"Мақсатым - оны жерге жатқызып алып, сол жерде шаруасын бітіру. Мен грэпплингтегі деңгейімді адамдарға паш етуім керек", - деді Махачев UFC-дегі баспасөз мәслихаты кезінде.
Жеңіл дивизиондағы UFC чемпиондығы үшін Махачев - Оливейра айқасы 22 қазан Абу-Дабидегі UFC 280 турнирінде өтеді.