Жеңіл салмақта UFC чемпионы Хабиб Нурмагомедов америкалық Джастин Гэтжимен жекпе-жектен не күтетінін айтты,- деп хабарлайды
"Чемпионат".
Хабиб - Гэтжи жекпе-жегі 24 қазан Абу-Дабиде өтетін UFC 254 турнирінде өтеді.
"Гэтжиге дайындық өте күрделі болды. Мен былай ойлаймын, дайындық неғұрлым ауыр болған сайын, жеңіс соғұрлым тәтті. Жекпе-жек қалай өтетінін айта алмаймын, бірақ, өз дегенімді жүргізуге тырысамын.
Бірінші мүмкіндіктер сәтсіз болсада, барлық 25 минут күресемін. Тік тұрып, жұдырықтасу керек болса, солай етемін. Белдесуге, жұдырықтасуға, аяқта тік тұруға да дайынмын. Жекпе-жекті уақытынан ерте аяқтағым келеді. Оны берілуге мәжбүр еткенімді қазірден елестетіп жатырмын", - дейді Нурмагомедов.
"Хабибті құлатқанда жанкүйерлері көз жасын көл қылады". Гэтжи нағыз қауіп не екенін көрсетуге уәде берді