Ресейлік аралас жекпе-жек өнерінің шебері Виталий Минаков (22-1, 13 КО) араға екі жыл салып октагонға оралады, деп хабарлайды Vesti.kz тілшісі "Чемпионат" басылымына сілтеме жасап.
"Соңғы екі жыл ішінде ешқандай айқас өткізбедім. Бірақ осы уақыт аралығында жаттығулар жасап жүрдім. Менеджерлеріммен қарсылас іздестірдік. Мұхиттың ар жағында айқас өткзіу үшін виза мәселесімен біраз жүгірдік. Маған толыққанды бабыма келу үшін 2,5 ай жеткілікті. Алдағы күндері өтетін айқасқа дайынмын", - дейді Виталий Минаков.
Көптен бері қарсылас іздеген Минаков қазан айының 23 жұлдызы Мәскеуде Bellator 269 турниріне қатысады. Ресейлік спортшы суринамдық Саид Совмамен (6-2) айқасқа шығады. Дәл сол кеште әйгілі Федор Емельяненко мен АҚШ өкілі Тимоти Джонсон кездеседі.