UFC-де өнер көрсететін жеңіл салмақтағы қазақстандық файтер Бекзат Алмахан (12-2) Канаданың Монреаль қаласында өткен UFC 315 турнирінде жарқын жеңіске жеткеннен кейін эмоциясымен бөлісті, деп хабарлайды Vesti.kz.
Ол жергілікті спортшы Брэд Катонаны (14-5) нокауттау үшін небәрі 64 секунд қана жұмсады."Иә, мен бұл комбинацияны ұзақ уақыт бойы дайындадым. Барлығы сәтті шықты және осы үшін Жаратқанға шексіз ризамын! Жекпе-жекке мүмкіндігінше тезірек оралғым келеді. Мен мұнда жай келгем жоқ, мен чемпион болу үшін келдім! Құдай қаласа, UFC чемпионы боламын! Маған қолдау білдіріп жатқан Қазақ елі, сіздерге үлкен рахмет!", — деді Бекзат жекпе-жектен кейін Даниэль Кормьеге берген сұхбатында.
Еске салайық, 27 жастағы Бекзат әлемнің үздік лигасындағы алғашқы жеңісіне қол жеткізіп, 2024 жылдың наурыз айында дебюттік кездесуде Умар Нурмагомедовтен болған жеңілісті жапты.