UFC-дегі өте жеңіл салмақтағы титулға үміткер аустралиялық файтер Кай Кара-Франс (25-12) келесі жекпе-жегінде Асу Алмабаев – Рамазан Темиров жұбының жеңімпазымен кездесуі мүмкін, деп хабарлайды Vesti.kz.
UFC 317 турниріндегі жекпе-жекАҚШ-тың Лас-Вегас қаласында өткен UFC 317 турнирінде Кай Кара-Франс бразилиялық чемпион Алешандре Пантожемен (30-5) октагонға шықты. Үшінші раундта Пантожа қарсыласын тұншықтыру әдісімен жеңіп, белбеуін сәтті қорғап қалды.
Қазір Кара-Франсқа жаңа қарсыластар ұсынылуда. Cagesidepress сарапшылары бірнеше нұсқа ұсынды, олардың арасында америкалық Брэндон Ройвалмен (17-8) реванш та бар. Еске сала кетейік, 2020 жылы Кай Кара-Франс дәл осы Ройвалдан екінші раундта ауырту әдісімен жеңілген болатын. Айта кету керек, Ройвал да соңғы турнирде жеңіліске ұшырады.
Дегенмен сарапшылардың пікірінше, Кай үшін ең қисынды жекпе-жек - 27 шілде күні Абу-Дабиде (БАӘ) өтетін Асу Алмабаев (21-3) пен Рамазан Темиров (19-3) арасындағы кездесу жеңімпазымен кездесу болмақ.
Алмабаев Кара-Франсты айқасқа шақырғанАйта кетейік, былтыр Асу Алмабаев Кай Кара-Франсты ашық жекпе-жекке шақырған болатын. Алайда ол кезде аустралиялық спортшы үнсіз қалған еді. Қазіргі таңда Асу үздік сегіздікке енді және рейтингте төртінші орында тұрған Кара-Франс үшін лайықты қарсыласқа айналды.