UFC промоушенында келесі кездесуін қазақстандық Мария Агаповаға (10-2) қарсы өткізетін украин қызы Марина Мороз (10-3) инстаграм желісінде ашық-жарқын видеоларымен бөлісті, деп хабарлайды Vesti.kz тілшісі.
Бүгінгі таңда Мороздың 82,6 мың оқырманы бар. Олардың басым бөлігі спортшының барлық суреттері мен видеоларын зор ықыласпен күтеді.
30 жастағы Мороз бен 24 жастағы Агапова осыған дейін American Top Team командасында бірге жаттыққан. Алайда украиналық ММА шебері Агапованы есірткі қолданғаны жайлы, полициямен кикілжіңі және суық қарумен шабуыл жасағаны жайлы айтқан болатын.
Еске салайық, Марина мен Мария наурыз айының 5 жұлдызы Лас-Вегаста (АҚШ, Невада) UFC 272 турнирінде айқасқа түседі.